Altjóða Skrivstovan

Altjóða Skrivstovan J.C.Svabos gøtu 14, postrúm 272 FO-110 Tórshavn.	Tlf.nr. (+298) 32 20 65 Fax: (+298) 35 25 01 t-postur: ask@ask.fo
ASK heldur til á fyrstu hædd í hesum vøkru húsunum ið hýsir Setursskrivstovuni (skrivstovan hjá Fróðskaparsetri Føroya). Sí kort
Á Altjóða skrivstovuni eru tvey starvsfólk. Leiðari er Holger Arnbjerg. Hann er vanliga at hitta mánadag til fríggjadag millum 10 og 14 (mikudag 10-18) Men til ber eisini at ringja/skriva teldupost og avtala aðra tíð; tað kann vera ein fyrimunur tí so ber til at fyrireika svarið til júst tín fyrispurning. Elisabeth Holm skal røkja samstarvið innan LLP-skránna (Lifelong Learning Programme) hjá ES. Elisabeth er dagliga at hitta á Altjóða Skrivstovuni, á tel 592065 ella við at skriva til : eh@ask.fo Tá ið tit skriva og biða um vegleiðing, hjálpir tað, um tit siga eitt sindur um tykkum sjálvi, eisini er gott um tit skriva telefon og bústað, so ASK kann senda tykkum møguligt tilfar ella koma í samband við tykkum. ASK er eisini á Skype. Leitið eftir Holger Arnbjerg ella nýtið knøttin omanfyri.
Virksemi hjá ASK Í Fíggjarlógini stendur soleiðis um Altjóða Skrivstovuna: Altjóða Skrivstovan varð sett á stovn í 2000 og er endamálið hjá skrivstovuni at vera savningarstað fyri vitan um útbúgvingar-, granskingar- og stuðulsmøguleikar uttan fyri Føroyar. Herumframt er skrivstovan sambindingarlið millum lesandi og lærustovnar úti og heima og er savningarstað fyri vitan um útbúgving og gransking, sum hevur áhuga fyri føroyingar og Føroyar. Skrivstovan hevur ítøkiligar uppgávur í sambandi við lestrarvegleiðing og -ráðgeving, umseting av millumlanda avtalum og skipanum, umframt samskipan av samstarvi við útlendskar lærustovnar.