Tað er gjørligt at taka TOEFL-royndir í Føroyum. Næsta royndin verður fríggjadagin 23. juli kl 10.00. Tekningin er on-line og í seinasta lagi 8 dagar undan royndini. Royndin kostar US$ 160. Tað ber til at tekna seg so seint sum tríggjar dagar áðrenn, men tá kostar royndin US$ 35 eyka.

Tað er ein fyrimunur at tekna seg í góðari tíð.

Royndin er í Ovastovu í Nóatúni. (millum Sjómansskúlan og Fiskirannsóknarstovuna)

TOEFL-iBT-royndin er ein norðuramerikansk málroynd. Hon er krav nógva staðni tá ið farast skal undir hægri lestur í enskt mæltum londum, sum td. Stóra Bretlandi, USA og Avstralia. Styttingin stendur fyri "Test of English as a Foreign Language". Royndin er sett saman av 4 pørtum, har tú skal vísa hvussu væl, tú dugur at tosa, lesa, skilja og skriva enskt. Royndin verður gjørt umvegis internetið. Royndirnar í Føroyum eru í hølum hjá Fróðskaparsetrinum í Ovastovu í Nóatúni og pláss er fyri 15 studentum.

Royndin sjálv fer fram við, at tú hevur headsett og mikrofon. Royndin er interaktiv og tú skal í somu roynd vísa hvussu væl tú skilir, tosar, lesur og skrivar enskt. Øll royndin tekur okkurt um 4 tímar. Til ber at síggja dømi um eina roynd á hesari síðuni: www.ets.org/toeflpractice. Tú fært stig fyri royndina, 120 stig er tað mesta sum til ber at fáa, (30 fyri hvørja kategori). Tað eru universitetini, sum sjálvi avgera hvussu nógv stig skulu til fyri at sleppa at lesa hjá teimum.

Meiri fæst at vita á Altjóða Skrivstovuni (ask@ask.fo og tlf 322065). MEN GEV GÆTUR: tekningin er online á www.ets.org

Tak niður stutta vegleiðing til hvussu tú teknar teg her

Til ber eisini at taka niður enska vegleiðing um hvussu tú teknar teg til Toefl online royndir. Vegleiðingin fæst her